BIOGA, a voz da industria biotech galega.
Bioga é o Clúster Tecnolóxico Empresarial das Ciencias da Vida de Galicia, unha asociación empresarial sen ánimo de lucro que representa ás organizacións integradas no sector biotecnolóxico galego.
A súa misión é dinamizar o ecosistema das ciencias da vida galego para configurar un escenario potente e competitivo en investigación, fomentar a transferencia de coñecemento e consolidar un tecido empresarial que impulse o progreso económico, social e tecnolóxico da rexión. Actualmente conta con máis de 100 socios.
Entre as súas áreas de actuación inclúense a xestión do talento, o emprendemento e a financiación de proxectos, o networking e as redes colaborativas, a innovación e a hibridación intersectorial, o crecemento e a mellora competitiva.
dimensión do proxecto
deseño e desenvolvemento web
O deseño e desenvolvemento da páxina web realizouse respectando e reflectindo a identidade corporativa de Bioga. O menú principal inclúe diversas seccións de interese para o usuario, que ofrecen información detallada sobre a asociación, os seus proxectos e iniciativas. Ademais, proporciona acceso a recursos clave como a bolsa de emprego e o máster propio da entidade. Así mesmo, conta cunha área exclusiva para socios, deseñada para facilitar a súa interacción coa entidade.
O resultado é un sitio web que combina unha estética moderna e aliñada coa imaxe distintiva de Bioga, cunha navegación intuitiva que garante unha excelente experiencia de usuario. Grazas ao seu deseño responsive, a web é completamente accesible desde calquera dispositivo, asegurando a súa funcionalidade e atractivo en todo momento.
