Comunicación para a biotecnoloxía que transforma a saúde
O Plan Complementario de Biotecnoloxía Aplicada á Saúde (PCBAS) é unha iniciativa estratéxica de investigación e desenvolvemento, financiada pola Unión Europea a través do programa Next Generation EU. En Galicia, o plan articúlase arredor dunha rede de axentes do sistema galego de I+D+i coordinados pola Fundación Kaertor, e oriéntase a fortalecer as capacidades en biotecnoloxía sanitaria e a consolidar un ecosistema colaborativo que permita conectar ciencia, innovación e tecido produtivo. O seu impacto esténdese a nivel estatal, integrando múltiples comunidades autónomas baixo unha lóxica de cogobernanza e coprogramación.
Desde ingenyus* implicámonos na xestión integral de marketing e comunicación da iniciativa galega, definindo a súa estratexia, identidade e ferramentas de visibilidade.
dimensión do proxecto
estratexia de márketing e comunicación
identidade visual e deseño corporativo
desenvolvemento e mantemento web
captación de proxectos colaborativos
actualización de contidos e visibilidade dixital
xestión de noticias e sección informativa
gravación e produción de vídeos e contidos divulgativos
estratexia de márketing e comunicación
ingenyus* colabora estreitamente co equipo de comunicación do PCBAS Galicia, liderado pola Fundación Kaertor, no deseño e execución dunha estratexia de comunicación transversal para todo o plan. Participamos desde o inicio en reunións presenciais e virtuais cos actores clave do proxecto, definindo as mensaxes estratéxicas e as ferramentas necesarias para a difusión. O noso labor centrouse na posta en marcha de accións para promover tanto a iniciativa no seu conxunto como a chamada a expresións de interese, contribuíndo ao deseño dunha folla de ruta comunicativa que acompaña e estrutura todas as actuacións.
identidade visual e deseño corporativo
Desenvolvemos a imaxe corporativa do PCBAS Galicia a partir dos criterios gráficos do plan estatal, creando unha identidade propia que une coherencia institucional con personalidade territorial. Elaboramos un manual de identidade visual que define elementos clave como o logotipo, a paleta de cores, as tipografías e a convivencia con outras marcas. Esta identidade aplícase de maneira sistemática en presentacións, documentos, bases de convocatorias e materiais visuais. Así mesmo, desenvolvemos plantillas de maquetación para memorias científicas e bases reguladoras, coidando a integración dos logotipos das entidades participantes e financiadoras.
desenvolvemento e mantemento web
Deseñamos e desenvolvemos a plataforma dixital, concibida como eixo central do plan en Galicia. A web estruturouse segundo criterios de usabilidade e posicionamento SEO, con deseño responsive, recursos gráficos propios e arquitectura escalable. Implementamos funcionalidades clave como formularios personalizados para a presentación de propostas, apartados para novas, proxectos e eventos. Tamén realizamos o mantemento técnico e a actualización continua da web, incluíndo novos contidos, seccións específicas e melloras estruturais segundo a evolución do proxecto.
captación de proxectos colaborativos
Acompañamos á Fundación Kaertor na definición e execución da convocatoria de expresións de interese para proxectos colaborativos do PCBAS. Participamos na redacción e maquetación das bases, no deseño dos materiais informativos e na planificación do proceso técnico de recepción, validación e avaliación de propostas. Implementamos un formulario web específico, configuramos contas de correo para a xestión documental e organizamos o fluxo de envío de informes finais. Este labor permitiu identificar e impulsar proxectos de alto impacto científico e tecnolóxico nas distintas liñas de actuación do plan.
actualización de contidos e visibilización dixital
Unha vez seleccionados os proxectos colaborativos, encargámonos da difusión individualizada de cada un deles a través da súa publicación na web. Para cada proxecto elaboramos unha ficha específica con información detallada, acompañada dun vídeo explicativo gravado coas investigadoras e investigadores principais. Este material complementouse con infografías divulgativas personalizadas, que resumen de maneira clara e visual os obxectivos e achegas de cada iniciativa. Creamos ademais unha sección específica de proxectos, con navegación intuitiva e accesible, e axustamos progresivamente a arquitectura web segundo o avance do plan e o comportamento das persoas usuarias.
xestión de noticias e sección informativa
Creamos e xestionamos unha sección de novas dinámica na web, estruturada por categorías e deseñada para manter informada a comunidade sobre os avances do PCBAS Galicia. As publicacións inclúen texto, imaxes, vídeos e materiais interactivos. Un exemplo destacado foi a incrustación dunha galería de imaxes do evento de presentación rexional, accesible directamente desde o post correspondente. Este espazo permite reflectir tanto as actividades institucionais como os fitos científicos do proxecto, ofrecendo un canal de información rigoroso e accesible para o público xeral e especializado.
xestión e produción de vídeos e contidos divulgativos
Lideramos a produción dunha serie de vídeos divulgativos protagonizados polas investigadoras e investigadores principais dos proxectos seleccionados. Organizamos xornadas de gravación nos seus centros de traballo, coordinamos a produción audiovisual e realizamos a edición final coa integración de gráficos explicativos e infografías. Ademais, producimos contidos temáticos como os vídeos para o Día Internacional da Muller e da Nena na Ciencia e un vídeo institucional de presentación xeral do plan en Galicia. Estes recursos integráronse na web e foron proxectados en eventos clave, reforzando a dimensión narrativa e accesible do proxecto.
organización e asistencia técnica en eventos
Coordinamos a organización integral do evento de presentación rexional do PCBAS Galicia, celebrado na Cidade da Cultura. Encargámonos do deseño de materiais (roll-ups, programas, carteis), produción audiovisual, merchandising, escenografía, xestión de invitacións e protocolo institucional. Tamén prestamos asistencia técnica en eventos estatais, como o encontro celebrado en Madrid o 30 de maio de 2023, contribuíndo ao posicionamento nacional do plan e facilitando a participación de representantes galegos con materiais audiovisuais e apoio loxístico.
desenvolvemento de mapas interactivos
Deseñamos e desenvolvemos unha ferramenta de mapas interactivos de capacidades científicas, pensada para representar de forma visual as fortalezas de Galicia en biotecnoloxía. A ferramenta permite aplicar filtros por liña de actuación, entidade, área temática ou localización, e utiliza unha taxonomía propia que facilita a súa aliñación con outras iniciativas estatais e europeas. Esta plataforma intégrase na web como parte das accións dinamizadoras do plan e permite a axentes externos identificar con facilidade potenciales colaboracións en función do seu ámbito de interese.
