ERIC para o descubrimento temperán de fármacos
ES-OPENSCREEN é o nodo español da infraestrutura de investigación ERIC EU-OPENSCREEN, que integra as principais plataformas europeas de alta capacidade para o cribado de fármacos.
O seu obxectivo principal é posicionar estratexicamente a investigación en biomedicina e química dos grupos españois, conectándoos coa infraestrutura europea ERIC EU-OPENSCREEN.
En ingenyus* colaboramos na estratexia de marketing, comunicación e posicionamento do nodo español, asegurando unha difusión efectiva e unha presenza sólida no ámbito científico e profesional.
estratexia
A colaboración céntrase na estratexia de posicionamento do nodo español, destacando a creación dun mapa online de capacidades que permita conectar a investigación española en química biolóxica co consorcio europeo de cribado de alta capacidade para o descubrimento temperán de fármacos.
Como parte esencial deste proceso de consultoría, determináronse a estratexia de captación de posibles interesados e a metodoloxía para a obtención da información que se amosará na web, asegurando así unha presentación clara, útil e orientada á comunidade científica e empresarial.
desenvolvemento gráfico web
A partir da imaxe da ERIC, deseñouse unha evolución para o nodo español. Coa nova identidade visual, levouse a cabo o deseño e desenvolvemento da web corporativa que alberga o Observatorio – www.es-openscreen.com – actuando como elemento vertebrador da comunicación dixital.
A web destaca pola súa claridade e sinxeleza, así como pola súa orientación á captación de potenciais interesados en darse de alta no Observatorio, seguindo a metodoloxía e sistemática previamente definida.
sinxeleza e facilidade de uso
O observatorio permite un filtrado polas categorías previamente definidas, así como que as entidades interesadas se poidan dar de alta de forma individual. Para facilitar o proceso, en ingenyus* desenvolvemos tanto manuais en formato documento como vídeos explicativos que permitan a calquera usuario seguir correctamente todo o procedemento.
Libraría Química Europea
Desde ingenyus* realizamos la edición y producción del vídeo asociado á construción da libraría impulsada pola ERIC. Esta libraría conta con máis de 40.000 compoñentes, con bioperfilado gratuíto e acceso público, permitindo a súa actualización mediante un proceso totalmente optimizado.
observatorio de capacidades de descubrimento de fármacos en España
Desde ingenyus* trabállase coa ES-OPENSCREEN, en colaboración coa SDDN, Farmaindustria, ASEBIO e outros axentes relevantes do panorama nacional no sector de descubrimento de fármacos, para a creación do Observatorio.
https://www.es-openscreen.com/partner/#catalog-filter
O obxectivo principal é recoller e amosar as capacidades das entidades españolas que traballan no descubrimento de fármacos, así como a súa conexión e integración con outras redes e iniciativas internacionais.