Agricultura vertical de interior
Néboda é unha empresa de agricultura vertical de interior. O seu sistema de agricultura de alta densidade e baixo custo combina co seu enfoque científico e experiencia en automatización industrial. Grazas a isto, sitúanse como unha empresa innovadora e adaptada ás necesidades do público ao que se dirixen.
Desenvolvemos o deseño da páxina web, baixo unhas premisas moi claras entre as que destacan a alta tecnoloxía, a sustentabilidade e a agricultura vertical.
Estratexia
Néboda destaca por unha imaxe fresca, próxima e atractiva aos ollos do consumidor. A fusión entre ilustración e imaxe culmina nun estilo recoñecible e chamativo en canto a deseño. Estes conceptos deben estar presentes en todo momento á hora de establecer e deseñar unha web accesible e acorde cos obxectivos que se perseguen.
dimensión do proxecto
deseño web
O desenvolvemento da páxina web baséase na identidade corporativa previamente establecida.
O primeiro que se quere amosar nun simple vistazo é a sustentabilidade e a alta tecnoloxía que emprega Néboda. O uso das ilustracións acompañadas destes conceptos básicos no slider principal permite definir á perfección a marca.
Outro dos obxectivos é dar continuidade á web, polo que a superposición de formas e imaxes con acabados dentados e circulares achega un claro dinamismo na experiencia de usuario, facendo así que as transicións entre seccións sexan moito máis orgánicas e naturais.
Outro dos puntos clave na web é a conversión de contido textual en elementos gráficos identificativos, que permiten unificar a imaxe e facer da web de Néboda unha especie de infografía definitoria da empresa.
